മരണം കാത്തിരുന്ന മൈലാഞ്ചിച്ചെടിയെ
കെട്ടിപ്പിടിച്ചത് മുല്ലവള്ളി .
രാവിലെ അടിച്ചുവാരിക്കളഞ്ഞത്
വാടിക്കരിഞ്ഞ പുഞ്ചിരികള്‍...
കണ്ണുതിരുമ്മിയെണീറ്റു വന്നത്
ഒട്ടുമാവിലെ തളിരിലകള്‍ ...
മണല്‍ അരിച്ചപ്പോള്‍ കിട്ടിയത്
പുഴയുടെ റൂഹിനെ .
കൊല്ലന്‍
പാവം ഇരുമ്പിനെ
കൊലയാളിയാക്കിയവന്‍
പുഴ
കൈതമുള്ളുകള്‍ മുറിവേല്‍പ്പിച്ചിട്ടും
പാറക്കൂട്ടങ്ങള്‍ മുന്നില്‍ നിന്നിട്ടും
ഓടി രക്ഷപ്പെട്ടവള്‍..
വിധവ
മരണമുടുപ്പിച്ച വെളുത്ത സാരിയില്‍
കണ്ണീരായ് ഉരുകുന്ന മഞ്ഞ് .
മഴയൊഴിഞ്ഞ മാവിന്‍ചോട്ടില്‍
ഒരു കണ്ണിമാങ്ങയുടെ വിങ്ങലുകള്‍ ..
പെരുമഴ പെയ്തിട്ടും
ചേമ്പിലക്ക് കിട്ടിയത് രണ്ടുതുള്ളി ...
ചാറ്റല്‍മഴ
മേഘം കണ്‍മഷിയെഴുതിയപ്പോള്‍
കണ്ണില്‍ തൊട്ടത് ...
